لعبة السودوكو

السلام عليكم ورحمه الله وبركاته

في الموضوع ده ان شاء الله هشرح كيفيه حل الشبكه بطريقه بسيطه لمن لا يعرفها

وان شاء الله هشرح اللعبه ايضا


اللعبه عباره عن مربع كبير مقسم لتسع مربعات اصغر ( متوسطه) وكل مربع منهم مقسم لتسع مربعات صغيره


كما بالشكل التالي



هدف اللعبه

ادخال الارقام من 1 الي 9 في كل خانه بشرط

كل صف افقي يحتوي علي كل رقم مره واحده فقط
كل عمود يحتوي علي كل رقم مره واحده فقط

كل منطقه زي الي موضحه بالاخضر كدا ايضا تحتوي علي الارقام من 1 الي 9 ولكن مره واحده فقط

وفي كل شبكه لعب يوجد مجموعه ارقام معطيات لا يمكنك تغير مكانهم


وبعد ذلك تقوم باكمال الارقام في المربعات كما قلنا سابقا


والشبكه الجيده من السودوكو هيا التي لها حل واحد فقط

---------------------------------------------

شرحنا كدا القوانين والان نشرح كيفيه الحل

اول مره تري شبكه سودوكو سيتكون لديك انطباع بانها لا يوجد لها حل


ولكن لعبه السودوكو ليست بمثل هذه الصعوبه فبقليل من المنطق والصبر بامكانك حلها


انظر الي الشكل التالي





نحن نعلم ان المربعات المتوسطه تحتوي علي الارقام من 1 الي 9 مره واحده فقط كذلك كل صف وكل عامود


وهذا يساعدنا علي معرفه اين سنضع رقم 3 في المربع المتوسط الي علي يمين الشبكه من فوق

انظر الشكل




اول صف يحتوي علي رقم 3 مره وهذا يعني ان رقم 3 لن يكون في ذلك الصف كما هو


موضح بالخط الاحمر


وكذلك الصف التاني مثل الاول لن يحتوي علي 3


ولذلك يتبقي لدينا 3 مربعات في المربع المتوسط الصغير الي في اعلي الشكل من اليمين


احدهم يحتوي علي رقم واحد اذا 3 سيكون اما علي يمين الرقم واحد او علي يساره


من علي يساره سنجد ان رقم 3 لن نستطيع وضعه لن هذا العامود يحتوي علي رقم 3


كما هو موضح باللون الاخضر اذا تبقي لرقم 3 خانه واحده سيتم وضعه بها


وبذلك اصبح لدينا معطي اضافي وهو ان ذلك الصف والعامود لن يحتوي علي رقم 3 ثانيه


ولو نظرنا للمربع المتوسط اسفل المربع المتوسط اعلي يمين الشبكه


سنجد ان لرقم 3 خانتين يمكن ان يوضع بيهم ولكننا لا نعرف اي اخانه ولكن بعد حل الاجزاء الاخري


من اللغز سنعرف اين نضعه


وده حل اللغز الي تم الشرح عليه








اتمني اكون وفقت في الشرح والي اللقاء في مواضيع اخري

أضافه متميزه للاخ اسامه لتسهيل الحل


المشاركة الأصلية كتبت بواسطة usama ahmed
بعد اذن الاخ Shooter صاحب الموضوع احب اضيف حاجة ...
طبعا الطريقة المشروحة دى الطريقة الاساسية لحل شبكات السودوكو ..

دى احدى شبكات الاخ Shooter ..والكلام هيكون عن المربع الايمن الاوسط ..



طبعا واضح ليه رقم 2 محطوط فى المكان ده ..
الجديد بقى عن الطريقة العادية هو ازاى تعرف مكان الرقم 7 فى المربع الايمن الاوسط ..لو فكرنا بالطريقة العادية هنلاقى ان الرقم 7 ممكن يكون فى المكان A او B او C وما ينفعش يكون فى المكانD ..

الجديد بقى هو التفكير ده :
طيب فين الرقم 4 فى المربع ده ؟؟ واضح انه فى المكان B او C ..
وفين الرقم 5 فى المربع ده ؟؟ واضح برضه انه فى المكان B أو C ..
يبقى ده معناه ان المكانين B و C مشغولين بالرقمين 4 و 5 ..
المعلومة دى هتعرفنا مكان الرقم 7 .. بغض النظر عن مكان 4 و 5 بالتحديد ..
وبكده نلاقى ان الرقم 7 مينفعش يكون الا فى المكان A ..

اتمنى اكون قدرت اوضح طريقة التفكير دى ..بس طبعا اساس الحل هو طريقة الاخ Shooter

المشاركة الأصلية كتبت بواسطة usama ahmed
شكرا اخ Shooter ...والعفو ..

احب اضيف حاجة تانية ..
دى برضه احدى شبكات الاخ Shooter


بالنسبة للمكانين A و B ..
لو فكرنا بالطريقة التقليدية هنلاقى ان رقم 7 ممكن ييجى فى المكانين ..
لكن لو فكرنا بالطريقة دى هنقدر نعرف مكان الرقم 7 بالتحديد ..

نفترض الرقم 7 فى المكان A ونبص على المربع العلوى الاوسط..
هنلاقى ان المربع العلوى الاوسط مفيش فيه مكان متاح لرقم 7 ..وده مخالف لمنطق السودوكو لان المفروض كل مربع يكون فيه ال 9 ارقام كلها..
وبالتالى المكان A غير متاح للرقم 7 ..والرقم 7 مكانه B ..

اتمنى يكون شرح الطريقة دى واضح